Datblygiad Proffesiynol Parhaus i athrawon ac addysgwyr
Dewch o hyd i gyrsiau DPP am ddim i athrawon ac addysgwyr pobl ifanc, sy’n cynnig hyfforddiant, adnoddau addysgu a chymorth gan fentoriaid yng nghyswllt pynciau dyngarol.
Atgyfnerthwch eich addysgu gyda DPP am ddim
Rydyn ni’n falch o gynnig DPP am ddim i athrawon ac addysgwyr ieuenctid drwy raglen beilot sy’n canolbwyntio ar addysg ddyngarol.
Mae’r rhaglen hon wedi’i llunio ar gyfer addysgwyr sy’n gweithio gyda phobl ifanc 11-18 oed, ac mae’n darparu DPP am ddim i’ch helpu i fod yn hyderus wrth fynd i’r afael â phynciau anodd fel gwrthdaro, cymorth cyntaf, mudo, hinsawdd a gwydnwch.
Gyda mynediad at amrywiaeth o adnoddau addysgu am ddim, gallwch integreiddio'r gwersi hyn i'ch ystafell ddosbarth yn gyflym ac yn rhwydd.
Ar hyn o bryd rydyn ni’n cynnig tri chwrs yn ein cynllun peilot ar gyfer y rhaglen newydd hon:
- Addysgu sgiliau Cymorth Cyntaf
- Addysgu am Ryfel a Gwrthdaro
- Addysgu am Fudo
Bydd addasu i’r hinsawdd a meithrin gwydnwch yn cael eu hychwanegu fel pynciau ac yn cael eu rhyddhau drwy gydol 2025.
Bydd y rhaglen hon yn eich helpu i feithrin y sgiliau, yr wybodaeth a'r hyder i addysgu pynciau heriol ac ysbrydoli eich myfyrwyr drwy addysg ddyngarol.
Cofrestrwch nawr i gael:
- hyfforddiant DPP am ddim sydd ar gael drwy e-ddysgu a sesiynau digidol/wyneb yn wyneb
- adnoddau addysgu o ansawdd uchel am ddim i'w defnyddio yn eich ystafell ddosbarth
- cymorth parhaus gan gydlynwyr addysg profiadol
Angen rhagor o fanylion? Cysylltwch â ni:
redcrosseducation@redcross.org.uk
0344 412 2734
Ar gyfer pwy mae’r cyrsiau DPP?
Mae ein cyrsiau DPP yn ddelfrydol ar gyfer:
- athrawon ysgol uwchradd ac addysgwyr pobl ifanc 11-18 oed, yn enwedig mewn pynciau fel ABGI, Dinasyddiaeth, Llenyddiaeth Saesneg, Daearyddiaeth ac Addysg Grefyddol
- addysgwyr mewn colegau sy'n cefnogi myfyrwyr hyd at 18 oed
- gweithwyr ieuenctid sy’n gweithio gyda phobl ifanc 11-18 oed
- unigolion sy’n cefnogi pobl ifanc mewn lleoliadau addysg ffurfiol ac anffurfiol
Rydyn ni’n chwilio am bartneriaid, ysgolion, sefydliadau ieuenctid a darparwyr addysg, sy’n rhannu ein gweledigaeth o rymuso pobl ifanc drwy addysg ddyngarol. Os hoffech chi ymuno â’n cynllun peilot fel sefydliad, neu edrych ar sut gallwn ni weithio gyda’n gilydd, cysylltwch â ni yn:
redcrosseducation@redcross.org.uk
0344 412 2734
Ymunwch â'n dosbarthiadau meistr misol
Fel rhan o'r cyrsiau DPP, cewch ddatblygu eich sgiliau a'ch gwybodaeth gyda'n dosbarthiadau meistr am ddim dan arweiniad arbenigwyr. Mae'r sesiynau 2 awr hyn yn edrych ar bynciau allweddol fel addysg cymorth cyntaf a mynd i’r afael â gwrthdaro yn yr ystafell ddosbarth. Mae pob sesiwn yn cynnwys amser i drafod a sesiwn holi ac ateb ac maent yn agored i addysgwyr unigol.
Fel arall, cysylltwch â ni os ydych chi’n awyddus i wneud archeb grŵp ar gyfer eich sefydliad.
Llunio DPP ar gyfer athrawon ac addysgwyr, gyda’n gilydd
Drwy gydol 2025, rydyn ni’n treialu’r rhaglen DPP newydd gyffrous hon. Mae eich cyfranogiad a'ch adborth yn y peilot hwn yn golygu y gallwn, gyda'n gilydd, greu'r DPP gorau ar gyfer addysgwyr.
Er mwyn ein helpu i ddatblygu ein cyrsiau, gofynnwn i chi wneud y canlynol:
- Cwblhau cydrannau’r cwrs: modiwl DPP sy’n datblygu sgiliau, modiwl DPP sy’n datblygu gwybodaeth, a defnyddio’r adnoddau addysgu.
- Rhoi adborth drwy ffurflenni gwerthuso, arolygon a grwpiau ffocws dewisol.
- Caniatáu i aelodau tîm y Groes Goch Brydeinig gysylltu â chi ynghylch eich cynnydd a’ch profiad.
Do you have a question about this page or want to give us feedback? Visit our Contact us page.